Vekt og høgdeutvikling er ein viktig indikator på utvikling og trivsel hos barna. Førekomst av overvekt og fedme er sterkt aukande i Norge som i resten av Europa. Med det følgjer aukande risiko for sjukdom både hos barn og vaksne.    

Overvekt og fedme blant barn er eit betydeleg helseproblem som kan ha alvorlege konsekvensar for barnet sin psykiske og fysiske funksjon og for sjukdom i vaksen alder. Det er derfor særleg viktig å leggja vekt på førebygging av overvekt og fedme hos barn og unge.    

For å sikra god oppfølgjing av det enkelte barnet og for å følgja med utviklinga i barnepopulasjonen, har Helsedirektoratet tilrådd rutinemessige målingar av høgde, vekt og hovudomkrins på bestemte alderstrinn i det førebyggjande helsearbeidet blant barn og unge på helsestasjonene og i skulehelsetenesta.  

For skulehelsetenesta inneber tilrådingane veging og måling i 3. og 8. klasse. Dette er eit tilbod til alle barn og foreldre. Veging og måling vil foregå individuelt med formål om å avdekka uheldig vektutvikling.