Spedbarnsernæring

 • For barn som får morsmjølk (vert fullamma) er det ingen grunn til å starta med annan mat før barnet har fylt seks månadar, så sant barnet veks og trivs. Viss barnet treng meir mat, forsøk først å auka mengda morsmjølk ved å amma oftare. Amming om natta er effektivt for å auka mjølkeproduksjonen. Viss barnet etter nokre dagar framleis verkar svoltent, kan du, etter at barnet har fylt fire månadar starta forsiktig med litt fast føde. Gje heller fast føde enn morsmjølkerstatning, slik at barnet venner seg til ulike smakar og konsistensar.

• Dersom det er behov for annan mat enn morsmjølk, er morsmjølkerstatning det einaste alternativet dei fire første månadane. Delvis amming er òg bra for barn og mor. Dersom det er behov for meir mat enn morsmjølk etter at barnet er fylt fire månadar, bør fast føde introduserast.

• Når barnet er seks månadar gammalt bør det få annan mat i tillegg til morsmjølka/ morsmjølkerstatninga. Barn bør om mogeleg få morsmjølk eller morsmjølkerstatning i heile det første leveåret.