Jordmødrene sin kompetanse er sjølvskriven i svangerskapsomsorga og nyføddperioden. Deira kompetanse kan òg nyttast i undervisning, rådgjeving og rettleiing i skulen og på ungdomshelsestasjonen.

Helsesjukepleiar har vidareutdanning i helsefremjande og førebyggjande arbeid, medrekna førebyggjande psykososialt arbeid for barn og unge, og vil naturleg ha ei sentral rolle i helsestasjons- og skulehelsetenesta. Helsesjukepleiar vil som regel vera den som møter alle brukarane og trekkjer inn andre i helsestasjons- og skulehelsetenesteteamet med kompetanse på aktuelle fagområde.

Fysioterapeutar har kompetanse på vurderingar knytte til rørsleapparatet, motorisk utvikling og kroppslege uttrykk for psykiske problem.

Legane si rolle vil vera å utføra spesifikke somatiske helseundersøkingar og å vurdera medisinske tilstandar. Legane har ei viktig rolle i tenesta sine samfunnsmedisinske oppgåver som for eksempel å gje bidrag til kommunen sine oversyn over brukargruppene sin helsetilstand og å føreslå tiltak i høve til dette.