Stress er kroppslege og psykologiske reaksjonar på fysiske eller psykiske belastningar. Både barn og vaksne kan bli stressa. Ordet stress kjem frå det latin stringere, som tyder å stramma eller snøra til. Det er ganske dekkande for den kjensla me kan ha når me er stressa; det opplevast ofte som eit ubehageleg press utanfrå og/eller innanfrå, som gjer at det strammar seg til i muskulatur og snevrar seg inn – f.eks i brystet eller til og med hovudet.
Stress i tidlege barneår påverkar både den psykiske og den fysiske helsa. Sped- og småbarn har ikkje utvikla den kognitive kapasiteten som skal til for å dempa stressreaksjonar. Det betyr at stressreaksjonar varer mykje lengre hos små barn enn hos vaksne. Stress hos sped- og småbarn vert mykje lettare aktivert enn hos vaksne, og stressreaksjonane er kraftigare.
Sjå filmen: I trygge hender
Les meir på Bufdir.no: Å takle følelsene dine som foreldre